Sérfræðingur á fjármálasviði (Umsóknarfrestur er liðinn)
Öflugur og lausnamiðaður sérfræðingur óskast til að sinna krefjandi verkefnum á fjármálasviði Nordic Visitor.
Á fjármálasviði starfar öflugt teymi sem hefur það hlutverk að skrá og greina viðskipti fyrirtækisins. Mikil samvinna er á sviðinu og skarast verkefni starfsmanna. Er því um fjölbreytt starf að ræða sem reynir á sveigjanleika í hugsun, aðlögunarhæfni að síbreytilegu umhverfi og jákvætt viðmót.
Nordic Visitor er fjölskylduvænt fyrirtæki og bjóðum við uppá frábæra starfsaðstöðu, góðan hádegismat og lifandi starfsumhverfi í vaxandi ferðaþjónustu.
Helstu verkefni
- Færsla fjárhagsbókhalds í rafrænum lausnum
- Afstemmingar og frávikagreiningar
- Greiningar og skýrslugerð úr stórum gagnasöfnum
- Virk þátttaka í umbótum ferla innan fjármálasviðs
- Samskipti við aðrar deildir og birgja
-
Þátttaka í öðrum verkefnum á fjármálasviði
Menntun, reynsla og hæfni
- Viðskiptamenntun er krafa
- Víðtæk þekking á excel (t.d. pivot töflum) er krafa
- Þekking á flóknari aðgerðum á excel (s.s. power pivot og power query) er æskileg
- Þekking á SQL og Power BI er kostur
- Áhugi á aukinni skilvirkni
- Jákvætt viðhorf og góðir samskiptahæfileikar
- Sjálfstæð vinnubrögð og frumkvæði í starfi
-
Skipulagshæfni og samviskusemi í vinnubrögðum
Nordic Visitor er framsækin ferðaskrifstofa sem sérhæfir sig í því að skapa góðar minningar með sérsniðnum pakkaferðum fyrir einstaklinga og hópa til Norður-Evrópu. Starfsmenn Nordic Visitor eru okkar mikilvægasta auðlind og hjá fyrirtækinu starfa um 50 manns. Lykilþáttur í okkar árangri byggir á framlagi, þekkingu og góðri samvinnu milli alls starfsfólks. Við tökum vel á móti nýju starfsfólki og hlúum að þjálfun og vellíðan allra sem hjá okkur starfa.